Artiklu fil-MaltaRightNow

Fil-ħarġa tat-22.12.2011 tal-MaltaRightNow deher artiklu dwar il-kunċert tal-Milied imtella’ fil-Knisja Parrokkjali ta’ Ħal Safi nhar il-Ħadd 18.12.2011.

Aqra l-artiklu kollu >>>>>>>>>

KREATTIV project featured in The Sunday Times

The KREATTIV project currently underway in Safi was featured in an article published on 4.12.2011 (Sunday Times). Read the whole article at:  http://www.timesofmalta.com/articles/view/20111127/education/Safi-primary-experiences-a-Kreattiv-project.395626

Kunċert tal-Milied mill-Kor Sine Macula u l-istudenti tal-Kreattiv

Ara l-programm >>>>>>

Protected: markers-FAQ-Malti

This post is password protected. To view it please enter your password below:

Password:

L-Impenn (commitment)

Ġakki u Marlon, żewġ soċi żgħażagħ fil-Mużew ta’ San Ġorġ Preca, jattendu qasam kbir lejn iċ-ċentru ta’ Malta. Sitt xhur ilu ftiehmu li nhar ta’ Sibt jibdew jiftħu l-qasam tal-Mużew siegħa qabel  il-lezzjoni tas-Sibt filgħaxija u jżommu l-Mużew miftuħ sa tliet kwarti oħra wara l-lezzjoni. Iż-żgħażagħ setgħu jilagħbu qabel u wara l-lezzjoni tal-katekiżmu ta’ kull nhar ta’ Sibt. Ġakki u Marlon kienu jduru maż-żgħażagħ, jilagħbu magħhom inkella  jgħallmuhom xi logħba ġdida; drabi oħra, waqt li ż-żgħażagħ jilagħbu, huma  kienu jippreparaw xi ħarġa jew jiddiskutu kif se jtejbu l-operat tagħhom maż-żgħażagħ. Minn xahrejn ’l hawn imma, Ġakki, wara li beda kors ta’ darbtejn fil-Ġimgħa fl-MCAST, avża lil Marlon li nhar ta’ Sibt ma setax ikompli jattendi l-qasam kmieni biex jgħinu waqt il-ħin tal-logħob  taż-żgħażagħ.

Marlon ħa għalih għax deherlu li Ġakki kellu jżomm l-impenn li kienu daħlu għalih huma t‑tnejn. Marlon deherlu li Ġakki kellu jsib ħin ieħor biex jistudja u mhux jaqta’ mill-impenn ta’ nhar ta’ Sibt. Ġakki deherlu li issa kellu prijoritajiet oħra u allura ma setax ikompli bl-impenn li kien ħa ma’ Marlon. Marlon issa tant qiegħed iħossu iddispjaċut li qiegħed jaħsibha jkomplix jiftaħ il-Mużew daqshekk kmieni. Qiegħed iħossu waħdu u iżolat. Fejn qabel kien jieħu gost meta jasal is-Sibt, issa sar jieħu qatgħa u jħossu bla moral.

Hawnhekk, nixtieq inpoġġi dawn il-mistoqsijiet għar-riflessjoni:

1. Nistgħu ngħidu li Ġakki naqas mill-impenn lejn sieħbu u lejn iż-żgħażagħ li jattendu l‑Mużew?
2. Marlon kellu raġun jieħu għalih u jiddispjaċih?
3. Taħseb f’xi parir/i li tista’ tagħti lil Ġakki u /jew lil Marlon?
4. Taħseb li hemm ċans li Ġakki u Marlon, ’il quddiem, jistgħu qatt jerġgħu jaħdmu flimkien bl-istess gost li darba kienu qed jaħdmu flimkien bih?

Kif wieħed jista’ jinduna, l-impenn jew in-nuqqas ta’ mpenn jaffettwana lkoll. Romina ftiehmet ma’ Sandra biex il-Ħadd joħorġu flimkien. Siegħa qabel l-appuntament Romina bagħtet SMS lil Sandra u qaltilha li dakinhar ma tistax toħroġ. Sandra qagħdet ġewwa wkoll għax issa kien tard wisq biex tiftiehem ma’ xi ħadd ieħor. Meta Romina reġgħet uriet nuqqas ta’ commitment għat-tieni darba, Sandra fittxet ħbieb oħra, avolja l-kumpanija ta’ Romina kienet togħġobha. IN-NUQAAS TA’ MPENN MA JGĦINNIEX NAGĦMLU L-ĦBIEB, ANZI, ITELLIFNA L-ĦBIEB.

waqt ix-xogħlijiet
li nagħmlu, l-impenn
m’għandu jonqos qatt. 

Toni jaħdem l-aluminju. Huwa magħruf li meta jagħtik data jżommha. Il-kelma tiġri u Toni tant żdiedlu x-xogħol li kellu jdaħħal żewġ lavranti biex jgħinuh. MIN JAGĦTI KELMA U JŻOMMHA, IN-NIES TFITTXU. MIN MA JŻOMMX KELMTU, IN-NIES TEVITAH.

Inħarsu madwarna u nosservaw kemm hu sabiħ meta nimpenjaw ruħna bis-serjetà. Ngħid għalija, inħossni nagħmel kuraġġ kbir fil-ħajja meta nosserva:

• lil Mario li qatt ma jasal tard għall-ebda appuntament
• lis-saċerdot li kull nhar ta’ Ġimgħa fil-5.00pm jidħol fil-konfessjonarju u ma jiċċaqlaqx qabel is-7.00pm, jagħti l-pariri lil min jitlobhomlu
• lil Moira li, lil ħabibtha Martha, meta kienet għaddejja minn perjodu diffiċli, qatt ma qaltilha: “Mhux illum, (jew) ma nistax nisimgħek issa għax mgħaġġla!”
• lil Fredu li daħal abbati u xemx u xita qatt ma jfalli laqgħa jew quddiesa
• lis-superjur tal-Mużew li, puntwalment, kuljum, anke fil-weekend, jiftaħ il-qasam għal-lezzjonijiet tal-katekiżmu
• lin-nisrani li anke meta jonqsu l-aptit, imur xorta għall-quddies
• lis-segretarju tal-każin li b’impenn, kull laqgħa tal-kumitat li jkun hemm, tarah jitla’ nofs siegħa qabel, jipprepara l-kamra għas-seduta, u wara l-laqgħa jikteb il-minuti u jibgħathom lil sħabu fil-ħin
• lin-nurse li qatt ma nstema’ jgħid lil xi pazjent, “Bħalissa m’għandix ċans!” 
• lill-ġenituri, li lit-tfal qatt ma qalulhom, “Mhux illum, illum irriduh għalina biss!”
• lid-deputat parlamentari u lill-kusillier li dejjem attendew u ipparteċipaw b’impenn fil-laqgħat kollha tal-gruppi tagħhom
• lill-għalliem li dejjem ipprepara l-lezzjonijiet barra l-ħin tal-iskola għax jemmen li l-ħin mal-istudenti huwa prezzjuż u ma jerġax jiġi;

lil tant u tant persuni oħra li ………. l-impen jeħduh bl-ikbar serjetà.

Tony Pace
15 ta’ Frar 2011

Ittra miftuħa lis-saċerdoti

Attendejt quddiesa ta’ funeral fi knisja kbira lejn in-Nofsinhar ta’ Malta; il‑funeral kien ta’ persuna importanti; knisja ippakkjata bin-nies, fost il-kongregazzjoni kien hemm l‑ogħla dinjitarji, il-President tar-Repubblika, il-Prim Ministru, membri miż-żewġ naħat tal‑kamra. Wasal il-mument tal‑omelija u għal għaxar minuti l-attenzjoni ta’ kulħadd kienet fuq ir‑riflessjonijiet li qed jagħmel is-saċerdot…….

Għażiż saċerdot, ifhem x’qawwa għandhom dawk l-għaxar minuti tal-omelija. Ifhem li dawk ir-riflessjonijiet se jkunu fl-isfond ta’ moħħ il-Prim Ministru fil-laqgħat tal-Kabinett li ġejjin. Ifhem li l-istess ħsibijiet se jkunu fl-isfond ta’ moħħ il-membri parlamentari fil-laqgħat tal-Parlament li ġejjin. Ifhem kemm faraġ tista’ ġġib bi kliemek lill-familjari u l-qraba tal-persuna li ħallietna.

Ġanni jistenna l-jum tas-Sibt bil-ħerqa. Nhar ta’ Sibt ma jkunx xogħol u għalhekk ikun jista’ jdur dawra mal-bżonnijiet tad-dar u tal-ġnien. Normalment, wara ġimgħa xogħol, is-Sibt iserraħ moħħu, imma fiżikament jgħejja ħafna. Is-Sibt filgħaxija jinħasel imbagħad imur jisma’ l‑quddiesa tas-7.00pm.

Għażiż saċerdot, tifhem kemm Ġanni u l-kongregazzjoni kollha qed jistennew bil-ħerqa erba’ kelmiet ta’ inkoraġġiment mingħandek. Tifhem kemm huwa delikat, anzi jiena nsejjaħlu sagru dal-mument tal-omelija. Tifhem kemm tista’ sserraħ nies, kemm tista’ tgħallem, tfarraġ, tinkoraġġixxi. Tifhem x’qawwa u x’intensità fih il-mument tal-eżortazzjoni.

Rożina ilha ma toħroġ barra disa’ xhur. Saħħitha ilha sejra lura u issa qas tiflaħ tqum mis-sodda. It-tlett itfal tagħha, kollha miżżewġin, jieħdu ħsiebha mill-aħjar li jistgħu. Imma matul dawn l‑aħħar disa’ xhur, il-mument l-iktar mistenni minn Rożina huwa kull nhar ta’ Ġimgħa filgħodu meta Dun Mattew jiġi jżurha, iqarbinha, u sikwit iqararha.

Għażiż Dun Mattew, faċli tinduna x’ġid qed tagħmel iż-żjara tiegħek ta’ kull nhar ta’ Ġimgħa għand Rożina. Il-ġid li qed tagħmlilha huwa mmens, ma jitkejjilx.

Għeżież saċerdoti, dawn kienu biss tliet eżempji kif il-bniedem tal-lum qiegħed jibbenefika mis-servizzi tagħkom. Minkejja li intom sikwit tkunu fil-mira tal-kritika ta’ bosta, ngħidu x’ngħidu, aħna baqgħalna bżonnkom.

Dan l-aħħar impressjonatni ħafna Rita, mara simpatika ta’ 75 sena. Fil-kwistjoni politiku-reliġjuża tas-sittinijiet żewġha kien involut ħafna fil-politika. Ma setax jonqos li dak iż-żmien Rita kienet tara lis-saċerdot ikrah minħabba l-kwistjoni tal-interdett. Ftit ilu nzertajt lil Rita titkellem mal-ġara; il-ġara qaltilha kif ġuvni li joqgħod fl-istess triq tagħhom, kien għadu kif daħal is-seminarju jistudja biex isir qassis. Ma stajtx nemmen meta nnutajt liż-żewġ nisa litteralment jibku bil-ferħ għal din l-aħbar. U rrealizzajt kemm minkejja żewġ kwistjonijiet politiku-reliġjużi matul l-aħħar seklu, l-aħbar li xi ġuvni Malti ħaddan is-saċerdozju għadha tnissel ferħ sinċier fost il-Maltin.

L-aħħar kelma, għalina l-lajċi. Kif nistgħu nsaħħu r-relazzjoni tagħna mas-saċerdot? Dawn li ġejjin huma xi suġġerimenti:

• Ejja nirrispettaw lis-saċerdot;
• ejja ma niżolawhx billi nippruvaw nirredikolaw xi tagħlim tal-knisja;
• ejja niddiskutu miegħu meta ma naqblux imma mhux insejħulu antikwat;
• ejja nipparteċipaw fl-inizjattivi li jieħu għall-ġid tagħna. 

EJJA NAPPREZZAWH.

(Tony Pace 12 ta’ Jannar 2011)

Fieldwork 4 sena primarja – Belt Valletta

Aħdem fieldwork il-Belt Valletta  għar-4 Sena Primarja  >>>>>>>>

Ara risposti għall-fieldwork adatattat għar-4 sena primarja.  Ara risposti / tweġibiet >>>>>>>>

Mechanical Crib

The small crib in the photo is in fact a mechanical one. The crib was built by Tony Pace and can be viewed at Tony Pace’s residence in Safi. Fore more information send an email to: pacetoni@gmail.com

A man draws water from  a well, a farmer digs soil, an angel goes up and down, a windmill’s sails  go round, oxen till the soil, a streamlet… these can all be seen in the crib.  

watch the mechanical crib by means of a video clip on You Tube >>>>>>>>

Tony Pace got this idea after watching his late father Lonzu, a ex-Dockyard shipwright, doing a similar task. Lonzu Pace used to display his mechanical crib in St Mary Street Gudja Malta.

Kunċert tal-Milied 2010

Nhar is-Sibt 18 ta’ Diċembru ser jittella’ Kunċert tal-Milied mill-Kor SINE MACULA fil-knisja ta’ Ħal Safi. Il-kunċert jibda fis-7.30pm.

Ara programm >>>>>>>>>

Ara promozzjoni fuq is-Sunday Times >>>

Kunċert Minn Deborah Pace

Nhar l-Erbgħa 3 ta’ Novembru 2010, Deborah Pace (Vjolin) akkumpanjata minn Yvetta Maria Galea (pjanu) tat kunċert ġewwa St James Cavalier fis-sensiela ta’ kunċerti magħrufa bħala performers’ platform.

Ara clip fuq il-You Tube fejn Deborah ddoqq il-mużika ta’ Dvorak.   ara clip >>>>>>>>